काठमाडौं– गीतकार तथा मोडल रमेश दियालीले अमेरिकामा तयार पारेको गीत ‘आशा राखी मनको एउटा पत्र’ को भिडियो सार्वजनिक भएको छ । गीतमा सुरेश अधिकारीको संगीत र बानिका प्रधानको स्वर छ ।

अमेरिकामा छायांकन गरिएको म्युजिक भिडियोमा एक प्रेमिल जोडीको मायाप्रेमलाई देखाइएको छ । म्युजिक भिडियो लक्ष्मण दियालीले निर्देशन गरेका हुन् भने छायांकन विनोद लाम्गादेको छ ।

भिडियोमा गीतकार रमेश दियालीका साथमा मुना क्षत्री र श्रद्धा परियार फिचर्ड छन् । भुटानी मुलका दियालीले दर्जनौं गीत रचना गरेका छन् भने थुप्रै म्युजिक भिडियोमा मोडलिङसमेत गरेका छन् ।

उनले छाप्रो नं. ५५ नामक उपन्यासलाई अन्तर्राष्ट्रिय नेपाली साहित्य समाजले ‘सर्वोत्कृष्ट डायस्पोरा कृति पुरस्कार’ प्रदान गरेको छ ।