काठमाडौं–गायक सनुप पौडेलको स्वर र संगीत रहेको गजल ‘खुशी’को भिडियो सार्वजनिक भएको छ । बिहीबार राजधानीमा एक कार्यक्रमका बीच पत्रकारमाझ भिडियो सार्वजनिक गरिएको हो ।

स्टुडियो डी पुतलीसडकमा रेकर्ड गरिएको गजलमा दीपक जडितको शब्द, विशाल पोखरेलको गीतार, पारस सुवेदीको सितार, प्रदीप जोशीको मिक्सिङ र मास्टरिङ छ ।

गजलको भिडियोमा गायक सनुपसँगै सुनिता दर्नाल र सुरज मल्ल फिचर्ड छन् । भिडियोमा प्रनभ केसी, सिर्जन भट्टराई, सुनिता दर्नाल र सुरज मल्लको कोरियोग्राफी, विवेक लिम्बुको डीओपी, पुरुषोत्तम कँडेलको सहायक डीओपी, रोशन खत्रीको सम्पादन, सञ्जीवरत्न शाक्यको कलर, सुस्मिता रिजालको कष्ट्युम, पीआइ स्टुडियोको निर्माण छ । भिडियोका निर्देशक प्रनभ केसी हुन् ।

२०५४ सालबाट नेपाली सांगीतिक क्षेत्रमा प्रवेश गरेका सनुपका ‘सम्झना आइ दिन्छ’, ‘यस्तै सम्बन्ध’, ‘पहिलो पिरती’, ‘दैव हे’, ‘जादु’, ‘अरु सबै’ र ‘बालुवामा’ गीत लोकप्रिय छन् ।

उनको हालसम्म ‘भ्वाइस(२००४)’ र ‘रेज(२००८)’ एलबम छन् । सनुप गायन रियालिटी शो ‘द भ्वाइस अफ नेपाल’ पहिलो सिजनको कोच हुन् ।