मुम्बई(दैनिक जागरण)– बलिउड अभिनेत्री शिल्पा शेट्टीकी पति राज कुन्द्राविरुद्ध मुम्बई प्रहरीले चार्जशीट फाइल गरेको हो । १५ सय पृष्ठको यो चार्जशीटमा ४३ साक्षीको नाम राखिएको छ । यो सूचीमा शिल्पा र शर्लिन चोपडाको नाम पनि छ ।

गत जुलाई १९ मा मुम्बईको स्पेशल क्राइम ब्राञ्चको टिमले शिल्पाको घरमा गहन सोधपुछ पछि उनका पति राजलाई पक्राउ गरेको थियो । प्रहरीले राजमाथि अश्लील फिल्मको कारोबारसँग जोडिएको आरोप लगाएको छ ।

चार्जशीटमा यश ठाकुर उर्फ अरविन्द श्रीवास्तव र राज कुन्द्राको भाउजू प्रदीप बख्शीको पनि नाम छ । श्रीवास्तव सिंगापुर र प्रदीप लण्डनमा बस्छन् । शिल्पासँगको बयानमा उनले भाउजू प्रदीपलाई सबै घटनाको दोषी मानेकी थिइन् ।

यो मामलाको अनुसन्धानको समयमा राजको ल्यापटपबाट मुम्बई क्राइम ब्राञ्चले ६८ एडल्ट फिल्म भेटेको थियो । यसबाहेक राजले आइफोनबाट आफ्नो आई क्लाउड एकाउण्ट हटाएका थिए । तर ब्राञ्चले आइक्लाउडलाई रिकभर गरेको थियो ।