एजेन्सी-  छिमेकी मुलुकहरुमा सीमा अतिक्रमणको आरोप खेप्दै आएको चीनले आफ्नो समुद्री इलामा पनडुब्बी जहाज घुसपैठ गराएको जापानले आरोप लगाएको छ ।

पूर्वी चीन सागरमा रहेको आफ्नो टापुमा चीनले पनडुब्बी जहाज घुसपेठ गराएको जापानले आरोप लगाएको हो ।

जापानले आफ्नो टापु नजिक पनडुब्बी जहाजको निगरानीका क्रममा चिनियाँ जहाजले आफ्नो क्षेत्रमा घुसपैठ गरेको जनाएको हो ।

‘चिनियाँ जहाजहरु नियमित जापानी क्षेत्रमा गुज्रिरहेका छन् । पनडुब्बी घुसपैठ एक सामान्य घटना होइन’, जापानले भनेको छ ।

पनडुब्बी जहाजको गतिको निगरानीका लागि जापानले एक युद्धपोत र विमान पठाइएको पनि जनाएको छ । चीनले यस घटनाबारे अहिलेसम्म कुनै प्रतिक्रिया दिएको छैन । पूर्वी चीन सागरका केही टापुहरुमा दुई देशबीच सीमा विवाद छ ।

स्रोत : वासिङ्टन पोष्ट