काठमाडौँ- नेपाली कांग्रेसका संस्थापक एवं प्रथम जननिर्वाचित प्रधानमन्त्री बीपी कोइरालाको आज १०८औं जन्मजयन्ती । मुलुकभर विभिन्न कार्यक्रम गरी मनाइँदैछ ।

बीपी जयन्तीका अवसरमा कांग्रेस उसका भ्रातृ एवं शुभेच्छुक संस्था र सुन्दरीजलस्थित बीपी संग्रहालयले कार्यक्रम आयोजना गरेका छन् ।

यस वर्ष पनि नयाँ भेरियन्टसहितको कोरोना भाइरसको संक्रमणको जोखिम कायमै रहेकाले भरसक जुम प्रविधिमार्फत कार्यक्रम गर्न कांग्रेसले आह्वान गरेको छ ।

कोइरालाको विसं १९७१ भदौ २४ गते जन्म भएको थियो । जहानियाँ राणा शासनको विरोधमा पिता कृष्णप्रसाद कोइरालाले गरिब किसानले पहिरेको कपडा राणा प्रधानमन्त्री चन्द्रशम्शेरलाई पार्सल गरी पठाएपछि कोइराला परिवार भारत निर्वासनमा गएको थियो ।