काठमाडौं– महिलाप्रधान फिल्म ‘जार’को पहिलो अनुहार सार्वजनिक भएको छ । पहिलो अनुहारमा फिल्मकी प्रमुख महिला पात्र गिताञ्जली थापा, अभिनेता सौगात मल्ल र अनुपविक्रम शाही फिचर्ड छन् ।

सम्पूर्ण छायांकन सिक्किममा गरिएको यो फिल्मले सन् १८ सयको दशक अन्त्यतिर सिक्किमेली समाजमा घटेको एक यथार्थ घटनालाई बोल्नेछ । गिताञ्जली भारतमा राष्ट्रिय अवार्ड विजेता अभिनेत्री हुन् ।

फुर्वा छिरिङ लामाको निर्देशन रहेको यो फिल्मको छायांकन गत अप्रिलमा सम्पन्न भएको थियो । ‘जार’को कथा इन्द्रबहादुर राईले लेखेका हुन् । फेर्री टेल पिक्चर्सले होप रिल एण्ड एलए सर्ट्सको सहकार्यमा यो फिल्म निर्माण गरेको हो ।

फिल्ममा झुमा लिम्बु र गंगा थापाको संगीत र अखिलेश राईको सम्पादन छ । फिल्मको छायांकनदेखि सम्पादनसम्मको सम्पुर्ण प्राविधिक काममा भारतिय टिम संलग्न छ ।