काठमाडौँ– शेयर बजारमा साताको पहिलो दिन आइतबार भारी गिरावट आएको छ । आइतबार कारोबार शुरु भएको २ घण्टामै नेप्से परिसूचक ५ प्रतिशतले घटेपछि सर्किट ब्रेकर लागेको हो ।

१२ः ५९ मा नेप्सेमा सर्किट ब्रेकर लागेको हो। सो बेलासम्म १४७ अंकले घटेको छ। सो अंकको गिरावटपछि परिसूचक २७७९ मा कायम भएको छ। अब ४० मिनेटपछि बजार फेरि खुल्नेछ।

बजार खुलेको पहिलो घण्टामा ४ प्रतिशतसम्म घटबढ हुन सक्ने व्यवस्था छ भने खुलेको दुई घण्टाभित्र ५ प्रतिशतसम्म घटबढ हुन सक्छ। दिनभरमा ६ प्रतिशतभन्दा धेरै घटबढ हुन पाउँदैन।

राष्ट्र बैंकले एक व्यक्ति वा परिवारले सेयर खरिदका लागि शेयर नै धितो राखेर बैंक तथा वित्तीय संस्थाहरुबाट १२ करोडभन्दा बढी ऋण नपाउने व्यवस्था गरेको छ।

आइतबार ३० वटा कम्पनीको शेयर मूल्य १० प्रतिशत घटेपछि नकरात्मक सर्किट लागेको छ । पाँचवटा कम्पनीको शेयर मूल्यमात्र बढेको छ । सानिमा लाइफ इन्स्योरेन्स, मनकमाना लघु वित्तको शेयर मूल्य बढेको छ ।