काठमाडौँ– साताको पहिलो दिन आज नेपाली बजारमा सुनको मूल्य बढेको छ ।
सुन तोलामा ६०० रुपैयाँले बढेको सुनचाँदी व्यवसायी महासंघले जनाएको छ ।
आज छापावाल सुन प्रतितोला ९१ हजार ५०० रुपैयाँमा कारोबार भइरहेको छ । त्यस्तै तेजावी सुन प्रतितोला ९१ हजार रुपैयाँमा कारोबार भइरहेको महासंघले जनाएको छ ।
शुक्रबार छापावाल सुन प्रतितोला ९० हजार ९०० रुपैयाँमा कारोबार भएको थियो । त्यस्तै तेजावी सुन प्रतितोला ९० हजार ४०० रुपैयाँमा कारोबार भएको थियो ।
त्यस्तै चाँदी तोलामा ३५ रुपैयाँ बढेर प्रतितोला १ हजार २३० रुपैयाँमा कारोबार भइरहेको छ ।
प्रतिक्रिया