दोहा- कुवेत सरकारले गैरकानुनी रुपमा बसेका विदेश श्रमिकहरूलाई पनि कोरोना बिरुद्धको खोप उपलब्ध गराएको छ ।

गैरकानुनी रुपमा काम गरिरहेका नेपाली श्रमिकहरुले बिहिबारसम्म कुवेतको ओफ्रा हेल्थसेन्टरमा खोप पुगेर खोप लगाउन सकिने गैरआबासीय नेपाली संघ (एनआरएनए)कुवेतले जनाएको छ ।

त्यहाँको सरकारले गैरकानुनी रुपमा बसेका बिदेशी श्रमिकको लगि खोप शिविर सञ्चालन गरी खोप दिईरहेको र समयमै खोप लगाई मौका फाइदा लिन गैरकानुनी रुपमा कार्यरत नेपालीलाई संघले अनुरोध गरेको छ ।

खोपका लागि आवस्यक पर्ने कागजपत्रहरु जस्तै, पासपोर्ट वा सिभिल आइडिको फोटो मोबाइलमा हुनुपर्ने, मोबाइलमा लोकल कलवाला सिमकार्ड अनिवार्य रुपमा लिएर जानु पर्नेछ ।

यदि कसैले अरुको पासपोर्ट कपि लिएर खोप केन्द्र गएको पाइएमा त्यहाँको सरकारले कानून बमोजिम कारवाही संघले जनाएको छ । दिउँसो चर्को घाममा लाइन बसेर खोप लगाउने नेपालीलाई थप समस्या नहोस् भनेर संघले आवश्यक समन्वय गर्नुका साथै पिउने पानी पनि वितरण गरेको छ ।