काठमाडौँ– पुराना तथा म्याद नाघेका खाद्य वस्तुमा नयाँ लेबल लगाएर बेच्ने काठमाडौँको बालाजुस्थित अगद नेपाल भेन्चर प्रालिको गोदाममा वाणिज्य, आपूर्ति तथा उपभोक्ता हित संरक्षण विभागले मंगलबार शिलबन्दी गरेको छ ।
सो प्रालिले कुकिज, सेबइ, चक्लेट, सोयाबिनलगायतका खाद्य वस्तुको म्याद सकिए पनि नयाँ लेबल टासेर बेच्ने गरेको सूचना पाएपछि प्रहरीको सहयोगमा विभागले मंगलबार छापा मारेको थियो । सो क्रममा विभागले लेबल लगाउन प्रयोग हुने केमिकल, मेशिन, कागजात र खाद्य वस्तु बरामद गरेको छ ।
प्रहरी सो कार्यमा संलग्न रहेको आरोपमा एकजनालाई पक्राउसमेत गरेको छ । सो प्रालिका सञ्चालक प्रभावत देव भने फरार भएका छन् । प्रहरीले देवको खोजी गरिरहेको छ ।
प्रतिक्रिया