मुम्बई(नवभारत टाइम्स)– दक्षिण भारतीय फिल्ममा नयनतारा एउटा ठूलो नाम हो । उनी दक्षिण भारतीय फिल्ममा महंगी अभिनेत्रीका रुपमा चिनिन्छिन् । उनी फिल्मी अभिनयले मात्र होइन, निजी जीवनका कारण पनि चर्चामा आइरहन्छिन् ।

उनले हालैमात्र लामो समयदेखिको प्रेमी र निर्देशक विग्नेश शिवनसँग इन्गेजमेन्ट गरेकी छन् । नयनताराले हालै विजय टेलिभिजनको ट्वीटर हेण्डलमार्फत एक प्रोमो शेयर गरेकी छन् ।

प्रोमोमा अभिनेत्रीले इन्गेजमेन्ट गरिरहेको देख्न सकिन्छ । भिडियोमा नयनताराले इन्गेजमेन्टको औठी लगाएकी छन् । उनी आफैंले पनि निर्माता तथा निर्देशक विग्नेशसँग इन्गेजमेन्ट गरेको स्वीकारेकी छन् ।

नयनताराले ‘वेलइक्करन’, ‘इमइक्का नोडिगल’, ‘कोलाइथुर कालम’, ‘जय सिम्हा’, ‘कोको’ जस्ता फिल्ममा अभिनय गरेकी छन् । उनले फिल्म ‘आया’मा आफ्नो भूमिकाका कारण लोकप्रियता पाएकी थिइन् ।

उनी चाँडै अभिनेता शाहरुख खानका साथ बलिउडमा डेब्यू गर्दैछिन् ।