काठमाडौं– नेपालका लागि टीभीएस थ्री ह्वीलरको आधिकारिक बिक्रेता जगदम्बा मोटर्स प्रालिले तीन पांग्रे टीभीएस ड्युराम्याक्स प्लस सार्वजनिक गरेको छ।

कम्पनीले काठमाडौंमा आयोजित वार्षिक डिलर भेला कार्यक्रममा टेम्पो सार्वजनिक गरेको हो।

टीभीएस ड्युराम्याक्स प्लसमा इन्जिन ४ स्ट्रोक र लिक्विड कुल्ड प्रविधिको छ। शक्तिशाली २२५ सिसी इन्जिन जडित यो टेम्पु इलेक्ट्रिक तथा हात दुवै प्रकारबाट स्टार्ट गर्न सकिन्छ।

४७५० आरपीएममा ७ .५ किवाको अधिक शक्ति प्रदान गर्ने र २२७५ आरपीएममा १८ एनएमको सबैभन्दा धेरै टर्क दिने क्षमता भएकाले यो टेम्पु चलाउन सजिलो हुनाका यात्रुले समेत आरामको अनुभव लिन सक्ने दाबी कम्पनीको छ।

टीभीएस ड्युराम्याक्स प्लसको माइलेज प्रतिलिटर ३० किमिभन्दा बढी रहेको कम्पनीको दाबी छ।

बिक्रीपछिको सम्पूर्ण सुविधा सहज रुपमा उपलब्ध रहेको टीभीएस ड्युराम्याक्सको बजार मूल्य ५ लाख ८९ हजार ९ सय रुपैयाँ तोकिएको कम्पनीले जनाएको छ।