मुम्बई(बलिउड हंगामा)– फिल्ममा आफ्नो दमदार अभिनयका अलावा अभिनेता मनोज बाजपेयीले डिजिटल दुनियाँमा पनि दर्शकको मन जितेका छन् । वेब सिरिज ‘द फेमिली मेन’ को लगातार सफलताले उनको करियरमा एउटा नयाँ इँटा थपेको छ ।

यो सिरिजको सफलताका कारण अभिनेताले आफ्नो पारिश्रमिक पनि बढाएका छन् । उनले ‘द फेमिली मेन सिजन २’का लागि निर्माताबाट निकै महंगो पारिश्रमिक बुझेका छन् । उनले आफूले पैसा नमागेर नै निर्माताले बढी रकम दिएको दाबी गरेका छन् ।

‘मैले यो उद्योगमा करिब २६ वर्ष बिताएको छु । सानोतिनो पहिचान त मैले २२–२३ वर्षमा नै पाएको छु । अहिले मलाई निर्माताहरुले आफूले पारिश्रमिक नमागी नै बढी पैसा दिने गरेका छन् । यो सुविधा मलाई कैयौं वर्षदेखि मिलिरहेको छ । त्यसकारण यो मेरो लागि नयाँ विषय होइन । मैले अहिले मेरो पारिश्रमिक माग्नै पर्दैन् । उहाँहरु आफैं बढाएर दिइरहनुभएको छ’, उनले भनेका छन् ।

‘द फेमिली मेन’ सिरिजट सुपरहिट भएपछि मनोजले फिमेल को–स्टार र निर्देशक भन्दा बढी पारिश्रमिक बुझेका छन् । मनोज अहिले सिरिजको तेस्रो संस्करणको तयारीमा जुटेका छन् ।