बर्दिया– बर्दियामा बाघको आक्रमणबाट एक जनाको मृत्यु भएको छ ।
बर्दिया राष्ट्रिय निकुञ्जका अनुसार पाटे बाघको आक्रमणबाट ठाकुरबाबा नगरपालिका वडा नम्बर ६ मोतिपुरका ७० वर्षीय गोरे थापाको मृत्यु भएको हो ।
शनिबार भैसी चराउन सामुदायिक वनमा गएका थापा अबेरसम्म घर नफर्किएपछि निकुञ्जको टोलीले हात्तीको सहायताबाट खोजी गर्ने क्रममा कालीगौडी बफरजोन सामुदायिक वनमा आइतबार विहान उनको शव भेटिएको हो ।
जिल्ला प्रहरी कार्यालय बर्दियाका अनुसार थापाको शव विक्षिप्त अवस्थामा भेटिएको हो । उनको टाउको र शरिरको भाग छुट्टिएको, शरीरका केही अंग बाघले खाइसकेको अवस्थतामा भेटिएको निकुञ्जको टोलीले जनाएको छ ।
प्रतिक्रिया