अमेरिकामा काला जातिमाथि अत्याचार गरिन्छ । तिनलाई समाजमा अगाडि बढ्न त्यति अवसर दिइँदैन, जति गोराहरुलाई दिइन्छ  ।

एकपटक अमेरिकाको एउटा शहरमा मेला लाग्यो । त्यस ठाउँमा काला गोरा दुवैथरी रहन्थे ।

मेलाका अनेक आकर्षक थिए । तीमध्ये एक थियो रङ्गीन बेलुन बेच्ने शक्ति । आकाशमा धेरै माथिसम्म उड्ने खालको हेलियम ग्यास भरिएको रङ्गीन बेलुनका लागि उसकहाँ बच्चाहरुको भीड लाग्थ्यो । जब बिक्री कम हुन थाल्थ्यो, ऊ एउटा बेलुन हावामा उडाइदिन्थ्यो । त्यो बेलुन माथिमाथि उड्दै गएको देखेर बच्चाहरु उत्साहित हुन्थे र उसकहाँ जम्मा हुन्थे ।

काला जातिको एउटा बच्चाले यो सबै ध्यानपूर्वक हेरिरहेको थियो । एकाएक ऊ बेलुनवालाको नजिक आयो र भन्यो — अङ्कल, म तपाईंसँग एउटा प्रश्न सोध्न चाहन्छु ।

भन बाबु, तिमी के जान्न चाहन्छौ ?

के कालो रङको बेलुन पनि आकाशमा माथि उड्न सक्छ ?

बच्चाको प्रश्न सुनेर बेलुनवालाको आँखा आँसुले भरिएर आयो । उसले बडो प्रेमका साथ बच्चालाई सम्झायो— बाबु, बेलुन होस् या मनुष्य, उसको माथि उड्नुसँग रङको कुनै सम्बन्ध हुँदैन । भित्र जुन चिज छ, त्यसैले त्यसलाई माथि उठाउँछ ।

साभार : ‘विश्वका उत्कृष्ट प्रेरक प्रसङ्ग’ पुस्तकबाट