मुम्बई(दैनिक जागरण)– फिल्म ‘बैंग–बैंग’ र ‘वार’ पछि सिद्धार्थ आनन्दको फिल्म ‘फाइटर’मा अभिनेता ऋतिक रोशन देखिँदैछन् । यो एक्सन प्याक फिल्ममा पहिलोपटक उनको अनस्क्रिन जोडीका रुपमा दीपिका पादुकोण हुनेछिन् ।
हालैमात्र समीक्षक तरुण आदर्शले फिल्मको आधिकारिक घोषणा गरेका छन् । फिल्म सन् २०२२ को सेप्टेम्बर ३० मा रिलिज हुनेछ ।
फिल्मको निर्माण वायकोम १८ स्टुडियो, ममता आनन्द, रमोन छिब र अंकु पाण्डेले गर्दैछन् ।
ग्लोबल अडियन्सका लागि बनिरहेको यो फिल्म विश्वका अलग–अलग स्थानमा छायांकन गरिनेछ । फिल्मको कथा सशस्त्र सेनाको देशप्रेम, वीरता र त्यागमा आधारित हुनेछ ।
प्रतिक्रिया