काठमाडौं– धान दिवसको अवसर पारेर मंगलबार केही कलाकारले खेतमा धान रोप्दै धान दिवस मनाएका छन् । दही चिउरा खाने दिनका रुपमा समेत लोकप्रिय असार १५ लाई कलाकारहरुले खेतमै पुगी किसानहरुसँग मनाए ।

अभिनेत्रीद्वय दीपाश्री निरौला, स्वस्तिमा खड्का र फेसन डिजाइनर सुरवीन वान्तवाले धान रोप्दै बाउसे लगाए । दीपाश्रीले धान रोप्दै गरेको तस्वीर सामाजिक सञ्जालमा राखेकी छन् ।

‘मेरो लालाहरुसँग खेतमा मस्ती । यो पो हो हाम्रो दोस्ती । राष्ट्रिय धान दिवसको शुभकामना’, दीपाश्रीले लेखेकी छन् ।

त्यस्तै गायिका सुनिता दुलालले पनि धान रोपेकी छन् । उनले सामाजिक सञ्जालमा कवितात्मक शैलीमा क्याप्सन लेख्दै धान रोपेको फोटो पोस्ट गरेकी छ्न ।

‘छुपुमा छुपु हिलोमा धान रोपेरै छोडौंला, बनाई कुलो लगाई पानी आएर गोडौंला,’ उनले लेखेकी छन्, ‘दुई छाक खान र केही मानो बाँढ्न सबै नेपालीलाई पुगोस् ।’