काठमाडौँ– मंगलबार शेयर बजारमा उच्च अंकको गिरावट आएको छ । सूचक ४७.४९ अंकले घटेसँगै बजारमा कारोबार रकम पनि एक अर्बले घटेको छ ।
नेपाल स्टक एक्सचेञ्जका अनुसार आइतबार र सोमबार बढेको बजार मंगलबार १.६५ प्रतिशत अर्थात ४७.४९ अंकले घटेर २८२८ बिन्दुमा आइपुगेको छ ।
आज कुल २ सय २३ कम्पनीको १ करोड ४० लाख ४४ हजार ३८१ कित्ता शेयर ७५ हजार ८ सय ८० पटक खरीद बिक्री हुँदा ६ अर्ब ७२ करोड ६३ लाख ६१ हजार ८ सय ६९ रूपैयाँको कारोबार भएको छ ।
सोमबार ७ अर्ब ७२ करोडको शेयर कारोबार भएको थियो । सोमवारको तुलनामा आज कारोबार रकम १ अर्बले घटेको हो। आज कारोबारमा आएका कूल १३ वटा उपसमूहमध्ये लघुवित्त बाहेक १२ वटै इन्डेक्स् घटेको छ।
प्रतिक्रिया