काठमाडौँ- नेकपा एमालेका नेता वामदेव गौतमले सरकारले किसान विरोधी कदम चालेको आरोप लगाएका छन् ।
अखिल नेपाल किसान महासंघका अध्यक्षसमेत रहेका गौतमले सरकारी कदमकै कारण कृषि क्षेत्र तहसनहस हुँदै गएको भन्दै भर्त्सना गरेका छन् ।
राष्ट्रिय धान दिवसको अवसरमा एक विज्ञप्तिमार्फत् शुभकामना प्रदान गर्दै नेता गौतमले कृषि क्षेत्रको विकासमा सरकार नै बाधक बनेको आरोप लगाएका छन् ।
बहुराष्ट्रिय कम्पनीलाई नेपालको प्राथमिक उत्पादनको क्षेत्रमा प्रवेश गराउन वैदेशिक लगानी व्यवस्था ऐन संशोधन गरेर किसानलाई बेरोजगार र घरबारबिहीन बनाउन उद्यत भएको उनको आरोप छ ।
हेर्नुहोस् गौतमको विज्ञप्ति
प्रतिक्रिया