मुम्बई(एबीपी लाइभ)– बलिउडकी ‘देसी गर्ल’ प्रियंका चोपडा अहिले हलिउडमा आफूलाई स्थापित गर्न प्रयासरत छिन् । उनी हलिउडका कैयौं ठूला प्रोजेक्टमा व्यस्त छिन् । यही कारण उनले न्यूयोर्कमा खोलेको सोना रेष्टुरेन्टमा जाने मौका पाइरहेकी थिइनन् ।

हालैमात्र उनले आफ्नो व्यस्त समय तालिकाबाट केही समय फुर्सद निकालेर रेष्टुरेन्ट पुगिन् । जहाँ उनले आफ्ना नजिकका साथीहरुसँग निकै मस्ती गरिन् । त्यहाँ उनले आमा मधु चोपडाको जन्मदिन पनि मनाइन् ।

प्रियंकाले सामाजिक सञ्जालमा राखेको तस्वीरमा उनलाई स्टाइलिस लुकमा देख्न सकिन्छ । उनले रेष्टुरेन्टमा साथीहरुसँग पानीपुरी खाइरहेको तस्वीर पनि राखेकी छन् ।

‘मलाई विश्वास नै छैन कि म अन्ततः सोनामा छु । तीन वर्षको योजना पछिको मेहनत सोनामा देखिरहेकी छु’, उनले लेखेकी छन् ।

प्रियंकाको रेष्टुरेन्टमा भारतीय खानेकुरालाई प्राथमिकता दिइएको छ । जसमा पानीपुरी आइटम पनि छ