काठमाडौं– क्यानडाका लागि नवनियुक्त नेपाली राजदूत भृगु ढुङ्गानाले पद तथा गोपनीयताको शपथ ग्रहण गरेका छन् । राजदूत ढुङ्गानाले राष्ट्रपति विद्यादेवी भण्डारी पद तथा गोपनीयताको शपथ ग्रहण गरेका हुन् ।
राष्ट्रपति भवन शीतल निवासमा बुधबार आयोजित समारोहमा राष्ट्रपति भण्डारीले नवनियुक्त राजदूत ढुङ्गानालाई पद तथा गोपनीयताको शपथ ग्रहण गराएकी हुन् । राष्ट्रपतिले परराष्ट्र मन्त्रालयका सहसचिव ढुङ्गानालाई यही चैत १८ गते राजदूतमा नियुक्त गरेकी थिइन् ।
समारोहमा परराष्ट्रमन्त्री प्रदीपकुमार ज्ञवाली, परराष्ट्र मन्त्रालयका सचिव शङ्करदास वैरागी तथा नेपाली सेनाका बलाधिकृत रथी शरद गिरीलगायत विशिष्ट व्यक्ति उपस्थित थिए ।
प्रतिक्रिया