काठमाडौँ– आज सेयर बजार परिसूचक नेप्से ७९.४४ अंकले बढ्दै २९१३.८४ अंकको विन्दुमा कारोबार बन्द भएको छ ।

लगातार पाँच दिनमा ओरालो लागेको सेयर बजार परिसूचक (नेप्से) आज मंगलबार उत्साहजनकरुपमा वृद्धि भएको हो ।  सोमबार हिजो ७२ अंकले ओरालो लागेको थियो।

आज ‘क’ वर्गका कम्पनीहरूको कारोबार मापन गर्ने सेन्सेटिभ परिसूचक समेत १६.१९ अंकले बढ्दै ५३६.३४ अंकको विन्दुमा कारोबार बन्द भएको छ ।

समूहगत परिसूचकतर्फ १३ वटै कम्पनीको सूचाङ्कमा बढेका छन् । जीवन बीमासमूहको सूचाङ्क सबैभन्दा धेरै ३८७.८५ अंकले बढेको छ भने दोस्रो स्थानमा नीर्जीवन बीमा समूहको सव इन्डेक्स ३७५.२३ अंकले बढेको छ ।

यसैगरी बैंकिङ समूह ४४.३१ अंक, व्यापार समूह २१.५४, होटल तथा पर्यटन समूहको १०९.९५ अंक, बिकास बैंक समूहको २५१.३३ अंक, उत्पादनमुलुक समूहको २५१.३३ अंक, लघुवित्त समूहको ६४.९ अंक, वित्त समूहको १२७.६ अंक र जलविद्युत समूहको १५०.१० अंकले बढेको छ ।

मंगलबार सेयर बजारमा कारोबार रकम भने घटेको छ। यसदिन २२५ कम्पनीको १० अर्ब २८ करोड रुपैयाँ बराबरको सेयर कारोबार भएको छ।

आज ३३ वटा कम्पनीले ९ प्रतिशतभन्दा बढीले कमाएका छन् । जानकी फाइनान्स, वरुण हाइड्रोपावर, हाइड्रो इलेक्ट्रिसिटी इन्भेष्टमेन्ट एन्ड डेभलपमेन्ट कम्पनी, न्यादी ग्रुप पावर कम्पनी र पञ्चकन्या माई हाइड्रोपावर कम्पनीको सकारात्मक सर्किट लागेको छ।

आज १४ कम्पनीको सेयर मूल्य ओरालो लागेको छ। मंगलबार सबैभन्दा बढी पुनर्बीमा कम्पनीको सेयर किनबेच भएको छ।