रसुवा– पासाङ ल्हामु राजमार्गको स्याफ्रबेसी-रसुवा खण्ड पहिरोले अवरूद्ध भएको छ ।
धुन्चे देखि स्याफ्रुबेसी तथा रसुवागढीसम्म आधा दर्जन स्थानमा पहिरो खसेर सडक अवरूद्ध भएको जिल्ला प्रहरी कार्यालय रसुवाले जनाएको छ ।
स्याफ्रु–रसुवागढी सडक खण्डको लिङलिङमा झरेको पहिरोले ठुला चटान सडकमा आएर बाटो बन्द भएकाले पन्छाउने काम जारी भए पनि अझै सकिएको छैन ।
भोटे कोशीको कटानका कारण कतिपय स्थानमा सडकको जग नै बगाएको जिल्ला प्रहरी कार्यालय रसुवाका प्रहरी नायब उपरीक्षक देवेन्द्र पाण्डे बताए ।
चीनसँगको अन्तर्राष्ट्रिय व्यापारिक नाका रसुवागढी जोड्ने सडकमा पहिरोका कारण अबरुद्घ हुँदा भन्सार जाँचपास भएका मालबाहक कन्टेनरहरू बाटोमै रोकिएका छन् ।
प्रतिक्रिया