काठमाडौँ- कोपा अमेरिका फुटबलमा पाराग्वेले बोलिभियाविरूद्ध प्रभावशाली जित निकालेको छ ।

मंगलबार बिहान सम्पन्न खेलमा पाराग्वेले १० खेलाडीमा सीमित बोलिभियालाई ३–१ को फराकिलो जित निकालेको हो ।

सुरुवाती १०औँ मिनेटमा इरविन सावेद्राले पेनाल्टीमा गोल गर्दै लिएको अग्रतालाई कायम राख्न नसक्दा बोलिभिया पराजित भएको हो ।

पहिलो हाफको अन्तिम समयमा जेम कुएलारो रातो कार्ड खादै मैदान बाहिरिएपछि बोलिभियाविरूद्ध पाराग्वे हावी भएको थियो ।

दोस्रो हाफमा एलेजान्द्रो रोमेरोले गोल गर्दै पाराग्वेलाई खेलमा फर्काए । त्यसको तीन मिनेटमै एन्जेल रोमेरोले पाराग्वेको अग्रता दोब्बर बनाए ।

खेल सकिन १० मिनेट अघि रोमेरोले ब्यक्तिगत दोस्रो गोल गर्दै पाराग्वेको जित सुनिश्चित गरे ।