बारा- लागुऔषधसहित बाराको जीतपुरबाट २ जनालाई प्रहरीले पक्राउ गरेको छ ।
प्रहरीका अनुसार शनिबार बिहान बाराको जीतपुर उपमहानगरपालिका ७ बाट पर्साका २० वर्षीय शारुख खान मिया र २६ वर्षीय गयासुदिन मियाँलाई लागुऔषधसहित पक्राउ गरिएको हो ।
जिल्ला प्रहरी कार्यालय बाराका अनुसार शारुकको साथबाट प्रहरीले बीआर २२ डि ४१४४ नम्बरको मोटरसाइकलसहित १०० एमएलको वनरेक्स २३० बोतल र गयासुदिनको साथबाट बा १५ प १७५२ नम्बरको मोटरसाइकलसहित १०० एमएल वनरेक्स ५ बोतल र नाइट्राभेट १० लेखिएको ७२ पिस ट्याबलेट बरामद गरिएको छ ।
उनीहरूमाथि थप अनुसन्धान भैरहेको प्रहरीले जनाएको छ ।
प्रतिक्रिया