पोखरा– गण्डकी प्रदेशमा दोस्रो पटक मुख्यमन्त्रीको सपथ लिएका पृथ्वी सुब्बा गुरुङले विश्वासको मत नपाएपछिको सरकार गठनको प्रक्रियामा विपक्षी गठबन्धन बहुमत पुर्‍याएर ढुक्क थियो ।

कांग्रेस संसदीय दलका नेता कृष्ण चन्द्र नेपाली पोखरेललाई मुख्यमन्त्री प्रस्ताव गर्दै बहुमत प्रदेश सदस्य उपस्थित भएपछि विपक्षी गठबन्धनका नेता कार्यकर्ता बधाई दिइरहेका थिए । तर शनिवार अन्तिम समयमा गुरुङले प्रदेश प्रमुख समक्ष बहुमत दाबी गरेपछि देशैभर खैलाबैला मच्चियो ।

पोखरेलको नेतृत्वमा प्रदेश प्रमुखको निवास अगाडि ३१ सदस्य नै धर्नामा बसे । प्रधानमन्त्री केपी ओलीकै सिको गर्दै षड्यन्त्र गरिएको भन्दै विपक्षी नेताहरु आक्रोशित बने ।

उनीहरुले पोखरेललाई प्रदेश प्रमुख नियुक्त नगरिए अदालत जाने समेत चेतावनी दिए । अन्ततः प्रदेश प्रमुख सीता पौडेलले पोखरेललाई नै मुख्यमन्त्री नियुक्त गरिन् ।