काठमाडौं–सरकारले प्रस्तुत गरेको आगामी आर्थिक वर्षको नीति तथा कार्यक्रममाथि उठेका प्रश्नको प्रधानमन्त्री केपी शर्मा ओलीले जवाफ दिनेछन् ।

बैठकको पहिलो सत्रमा सत्तारुढ दल नेपाल कम्युनिस्ट पार्टी नेकपाका अध्यक्ष पुष्पकमल दाहाल प्रचण्ड, नेपाली कांग्रेसका नेता प्रकाशमान सिंहलगायतले आफ्नो धारणा राखेका थिए । त्यसपछि स्थगित भएको बैठक केहिबेरमा सञ्चालन हुनेछ ।

बैठकमा राष्ट्रपतिले प्रस्तुत गरेको नीति तथा कार्यक्रममा सरकारको धारणासँगै संसदमा उठेका प्रश्नको जवाफ प्रधानमन्त्रीले दिने, वार्षिक नीति तथा कार्यक्रम माथि प्राप्त संशोधनहरु निर्णयार्थ सुनाउने र नीति तथा कार्यक्रम निर्णयार्थ प्रस्तुत गर्ने कार्यसूचि रहेको संघीय संसद सचिवालयका महासचिव मनोहरप्रसाद भट्टराईले जानकारी दिए।