मुम्बई(नवभारत टाइम्स)– अभिनेत्री सारा अली खान फिल्म ‘केदारनाथ’बाट बलिउडमा डेब्यू गर्दाको समयदेखि नै दर्शकहरु कुनै फिल्ममा पिता सैफ अली खान वा आमा अमृता सिंहसँग अभिनय गरेको हेर्न चाहन्थे ।

निकै लामो समयको प्रतिक्षापछि दर्शकको चाहना पुरा हुँदैछ । सारा आमा अमृतासँग चाँडै नै दर्शकमाझ स्क्रिन शेयर गर्दैछिन् । तर यो कुनै फिल्मका लागि नभई केवल एक विज्ञापनका लागि मात्र हो ।

साराले आफ्नो इन्स्टाग्राम एकाउण्टमा एक तस्वीर शेयर गरिन् । जुन तस्वीरमा उनी आमासँग देखिएकी छन् । समाचारअनुसार यो तस्वीर सोही विज्ञापनको सुटिङमा खिचिएको हो ।

तस्वीरमा अमृतालाई निलो रंगको सलवार सुटमा देख्न सकिन्छ भने साराले सेतो रंगको अफ शोल्डर पहिरन लगाएकी छन् ।

हालै एक अन्तरवार्तामा साराले आमासँग काम गर्ने इच्छा व्यक्त गरेकी थिइन् । साराले पिता सैफसँग काम गर्नु आमाका लागि खराब हुनसक्ने भएकाले आमासँग नै पहिलो सहकार्य गर्ने खुलाएकी थिइन् ।