टेक्सस(अमेरिका)– अन्तर्राष्ट्रिय नेपाली साहित्य समाज (अनेसास) अस्टिन च्याप्टरले आफ्नो मासिक रचना वाचन कार्यक्रम सम्पन्न गरेको छ । जुन ६ तारिख आइतबारका दिन संस्थाका अध्यक्ष धर्मानन्द गौतमको सभापतित्वमा जुममार्फत भर्चुअल्ली साहित्य रचनावाचन कार्यक्रम गरिएको थियो ।

कार्यक्रममा अनेसासका केन्द्रिय वरिष्ठ उपाध्यक्ष साहित्यकार गोवद्र्धन पूजा र साहित्यकार कल्पना तामाङले आ–आफ्ना कविता वाचन गरेका थिए । बोस्टनकी साहित्यकार पूजाले चार कविता वाचन गर्दा साहित्यकार कल्पना तामाङले पाँच कविता सुनाइन् ।

संस्थाका महासचिव केशवराज ज्ञवालीले सञ्चालन गरेको कार्यक्रममा साहित्यकारहरू पिताम्बर दाहाल, हस्त गौतम, केशव पन्थी, बबि लिम्बू, दिनेश दाहाल, सरोज वाग्लेले कविता सुनाए ।

त्यस्तै पत्रकार तथा संस्थाका सदस्य सुमन गैरेले आफूले रचना गरेको गीत सुनाएर कार्यक्रमलाई संगीतमय बनाएका थिए ।