जनकपुरधाम– बारामा ४९ केजी गाँजासहित तीनजना पक्राउ परेका छन् ।

सोमबार बेलुका महागढीमाई नगरपालिका–२ स्थित इनर्वा चोकबाट ४९ केजी गाँजासहित तीनजनालाई प्रहरीले पक्राउ गरेको हो ।

पक्राउ पर्नेमा पर्साको सखुवा प्रसौनी गाउँपालिका घर भएका अमिरका पासवान, रमेश चौधरी र राज कुमार ठाकुर छन् । लागुऔषध नियन्त्रण ब्यूरोको शाखा कार्यालय वीरगञ्ज र जिल्ला प्रहरी कार्यालय बाराबाट संयुक्त रुपमा खटिएको टोलीले पक्राउ गरेका छन् ।

बरियापुरतर्फबाट तेलकुवा जाँदै गरेको ना.२ ह ६१०६ नम्बरको अटो र पल्सर मोटरसाइकलमा सवार उनीहरुलाई चेकजाँच गर्दा गाँजा फेला परेको जिल्ला प्रहरी कार्यालय बाराले जनाएको छ ।

प्रहरीले विशेष सूचनाको आधारमा पक्राउ गर्न सफल भएको जनाएको छ । हाल उनीहरुलाई बारा प्रहरीको हिरासतमा राखेर थप अनुसन्धान भइरहेको छ ।