नियमे– अफ्रिकी मुलुक निजेरमा इन्धन बोकेको ट्याङ्करमा विष्फोट हुँदा कम्तीमा ५५ जनाको मृत्यु भएको छ । राजधानी नियमेमा रहेको अन्तर्राष्ट्रिय विमानस्थल नजिकै इन्धन बोकेको ट्याङ्करमा विष्फोट भएको हो ।
विष्फोटनमा अरु ३६ जना घाइते भएका छन् । मारिने अधिकांशको शरिर जलेकाले शव पहिचान गर्न समस्या रहेको अधिकारीले जनाएका छन् ।
नियमेमा रहेको अन्तर्राष्ट्रिय विमानस्थल नजिकै रेलको ट्रयाकमा दुर्घटनामा परी लडेको अवस्थामा ट्याङ्करबाट इन्धन चोर्न मानिसहरु आएका बेला ट्याङ्करमा अकास्मत आगलागी भएर विष्फोट भएको हो ।
दुर्घटनापछि पनि विमानस्थलका सम्पूर्ण उडान तथा अवतरण नियमित नै रहेको अन्तर्राष्ट्रिय सञ्चारमाध्यमले जनाएका छन् ।
प्रतिक्रिया