काठमाडौँ– आज नेपाली बजारमा सुनचाँदीको मूल्य बढेको छ ।
साताको पहिलो दिन आज सुन तोलामा ७०० रुपैयाँ बढेको हो । त्यस्तै चाँदी पनि तोलामा १५ रुपैयाँ बढेको छ ।
बढेको नयाँ मूल्य अनुसार आज नेपाली बजारमा छापावाला सुन प्रतितोला ९४ हजार १०० रुपैयाँमा कारोबार भइरहेको छ । साताको अन्तिम दिन तोलामा १ हजार ५ सय रुपैयाँ घटेको सुन ९३ हजार ४०० रुपैयाँ प्रतितोलामा कारोबार भएको थियो ।
त्यस्तै आज तेजावी सुन ९३ हजार ६०० रुपैयाँमा कारोबार भइरहेको छ । शुक्रबार तेजाबी सुन प्रति तोला ९२ हजार ९ सय रुपैयाँमा कारोबार भएको थियो ।
महासंघका अनुसार, चाँदी प्रतितोला १ हजार ३५५ रुपैयाँमा कारोबार भइरहेको छ । चाँदी अघिल्लो दिनको तुलनामा प्रतितोला १५ रुपैयाँले बढेको हो ।
प्रतिक्रिया