काठमाडौँ- बच्चालाई घरमा सही रेखदेख नगर्ने हो भने उसलाई अनेक प्रकारका समस्याहरुले घेर्न थाल्दछ ।

बच्चा घरमा रमाउँदै खेलेको सबैले देख्न मन पराउँदछन् । उनीहरुलाई रोग लागेको कसैले देख्न मन पराउँदैनन् । बच्चामा रोगप्रतिरोधात्मक शक्ति कमजोर हुन्छ ।

यसकारण साधारण लापरबाहीले पनि बच्चालाई विमारी बनाइदिन्छ । बच्चाहरुलाई प्रायः खोकी, लिवर सम्बन्धी समस्या, दिसा पातलो हुनु, उल्टी, ज्वरो आउनु, निमोनिया आदि मुख्य मानिन्छन् ।

बच्चाहरुलाई केही घरेलु तथा आयुर्वेदिक औषधिको माध्यमबाट पनि स्वस्थ राख्न सकिन्छ जसमध्ये बच्चामा हुने सुख्खा रोगको घरेलु उपचारका बारेमा यहाँ जानकारी गराइन्छ—

– यो रोगमा तरकारीको सुप, फलफूलको रस र क्याल्सियम युक्त पदार्थ दिनाले लाभ मिल्दछ ।

– चामलको माडलाई पिउनाले सुख्खारोग ठिक हुन्छ ।

– कालो गाईको पिसाब (सूर्योदय हुनुभन्दा पहिला) १० ग्राम, केसर १० ग्राम मिलाई शिसामा राख्नुहोस् । उक्त औषधि ६ महिनाको बालकलाई ४ थोपा ६ महिनादेखि माथिको लागि ८ थोपाका दरले गाइको दूधसँग बिहान बेलुका खानाले लाभ मिल्दछ ।

– गधाको दूध २० ग्रामका दरले २ महिनासम्म नियमित खानाले सुख्खा रोग टाढा भाग्दछ ।

– शरीरलाई प्रतिदिन तातो तीलको तेल, जैतुनको तेल, बदामको तेलले मालिस गर्नाले सुख्खा रोग निको हुन्छ ।

साभार : ‘मेरो डाक्टर’ पुस्तकबाट