काठमाडौँ– नेपाल कम्युनिष्ट पार्टी (एमाले) ले विवेकशील साझा पार्टीका संस्थापक अध्यक्ष उज्जवल थापाको निधनप्रति दुःख व्यक्त गरेको छ ।

एमाले कार्यालय सचिव शेरबहादुर तामाङले शोक वक्तव्य जारी गर्दै एक असल राजनीतिज्ञ गुमाएकोमा दुःख व्यक्त गरेका छन् ।

‘नेपाली राजनीतिक क्षितिजमा नयाँ आशा र नयाँ दृष्टिकोणसहित उदाउँदै गरेका एक राजनीतिक, सामाजिक व्यक्तित्व विवेकशील साझा पार्टीका पूर्व संयोजक उज्जवल बहादुर थापाको ४४ औँ वर्षको उमेरमा असामयिक निधनको खबरले नेकपा (एमाले) स्तब्ध भएको छ ।’ जारी विज्ञप्ति भनिएको छ ।

त्यस्तै थापाको निधनले नेपाली राजनीतिक क्षेत्रले लामो समयसम्म महसुस गर्ने तामाङद्वारा जारी विज्ञप्तिमा उल्लेख गरिएको छ। यसैगरी एमालेले शोकको घडीमा रहेका परिवारजन र पार्टीपंक्तीप्रति गहिरो संवेदना व्यक्त गरेको छ ।

यस्तो छ विज्ञप्ति