काठमाडौँ– राष्ट्रिय प्रजात्तन्त्र पार्टी (राप्रपा) अध्यक्ष कमल थापाले अदालतबाट संसद पुनःस्थापना भए फेरि पनि केपी शर्मा ओली नै प्रधानमन्त्री हुने भन्दै निर्वाचनको विकल्प नरहेको दोहोर्‍याएका छन् ।

थापाले चुनाव छाडेर अदालत जानेहरू नै ओलीलाई निरन्तरता दिने बाटोमा रहेको टिप्पणी गरेका छन् ।

सामाजिक सञ्जाल ट्वीटरबाट थापाले संसदीय गणितले संसद पुनःस्थापना भए पनि ओलीलाई नै प्रधानमन्त्री बनाउने दाबी गरेका छन् । थापा भन्छन्, ‘ओलीले देश बर्वाद पारे भनेर विरोध गर्नेहरू नै ओलीलाई निरन्तरता दिने बाटोमा छन् । चुनाव छाडेर अदालत जानेले बुझ्नुपर्छ, संसद पुनर्स्थापना भएमा पुन: ओली नै प्रधानमन्त्री हुन्छन् । यो भविष्यवाणी होईन, संसदीय गणितले त्यही भन्छ ।’