काठमाडौँ– नेपाल चिकित्सक संघले भेरी अस्पतालमा चिकित्सकमाथि भएको आक्रमणको भर्त्सना गर्दै घटना भएको हिजोको दिनलाई कालो दिनका रुपमा घोषणा गरेको छ ।

संघका महासचिव डा. बद्री रिजालले हिजो घटना भएको दिनलाई कालो दिन घोषणा गरेको प्रेस विज्ञप्तिमार्फत जनाएका छन् । संघले उक्त घट्नाको विरोधमा आज एकदिन हातमा कालोपट्टी बाँधेर काम गर्न पनि सबै स्वास्थ्यकर्मीमा अपिलसमेत गरेको छ ।

ड्यूटीमा खटिएका स्वास्थ्यकर्मीको काममा बाधा बिरोध गर्नेलाई बिना धरौटी थुनामा राखेर कारबाही गर्ने कानुन अध्यादेशमार्फत ल्याउन संघले सरकारसँग माग राखेको छ ।

भेरी अस्पतालमा स्वास्थ्यकर्मीमाथि हातपात गर्ने कार्यमा संलग्न रहेका व्यक्तिलाई कानुन बमोजिम कडा भन्दा कडा कारबाही गर्न संघले विज्ञप्तिमार्फत सरकारको ध्यानाकर्षण गराएको छ ।