‘स्टार्च’ले भरिएको तथा गुलियो स्वादको हुन्छ, सखरखण्ड । यसलाई कतै सखरखण्ड भनिन्छ भने कतै सुठुनी र तराईमा अलुवा पनि भनिन्छ ।

यसलाई सफा गरेर बोक्रैसहित वा बोक्रा हटाएर काँचै वा उसिनेर वा पोलेर खान सकिन्छ ।

सखरखण्डमा फाइबर, भिटामिन बी र सीसँगै आइरन, क्याल्सियम, सेलेनियमजस्ता खनिज पाइन्छ । यस अलावपा बिटा–क्यारोटिन भन्ने पोषक तत्व प्रचूर मात्रामा पाइन्छ । तसर्थ केवल ८० ग्राम सखरखण्ड खाएमा पनि हामीलाई पोषण पर्याप्त हुन्छ ।

सखरखण्डको फाइदा
१. विशेषगरी वैजनी रंगको सखरखण्डले क्यान्सरको जोखिम घटाउँछ ।
२. भिटामिन ए पाइने सखरखण्डले फोक्सोमा हुने क्यान्सरको जोखिम पनि घटाउँछ ।
३. सखरखण्डमा पाइने फाइबरले पाचन प्रणालीलाई स्वस्थ राख्दछ ।
४. सखरखण्डले टाइप टु मधुमेहका रोगीलाई रगतमा चिनीको मात्रा नियन्त्रणमा सघाउँछ ।
५. यसमा पाइने ‘एन्थोसाइनिन’ नामको एन्टिअक्सिडेन्ट आँखाका लागि लाभदायक हुन्छ ।