एजेन्सी– इजरायल अधिनस्थ प्यालेष्टाइनको गाजा क्षेत्रबा रकेट प्रहार भएपछि इजरायलले त्यहाँ सैनिक आक्रमण गर्ने भएको छ ।

इजरायली प्रधानमन्त्री बेन्यामिन नेतान्याहूले इजरायलको रक्षा फौजलाई गाजा क्षेत्रतर्फ सैनिक आक्रमण गर्न निर्देशन दिएको जनाएका हुन् ।

रक्षामन्त्रीको जिम्मेवारीमा समेत रहेका प्रधानमन्त्री नेतान्याहूले गाजा क्षेत्रको सीमा नजिक रहेको सेनालाई ट्यांक, आर्टिलरी र फौजसहित आक्रमणको तयारी गर्न निर्देशन दिएको जनाएका हुन् ।

यसअघि शनिबार मात्रै प्यालेष्टाइनको गाजा क्षेत्रबाट सयौंको सङ्ख्यामा इजरायलतर्फ रकेट आक्रमण भएको थियो ।

अधिकांश रकेट इजरायलको आइरन डोम नामक रकेट प्रतिरोधी प्रणालीले बीच आकाशमै रोकेपनि केही रकेटले जमिनमा आक्रमण गर्न सफल भएको र त्यसबाट केही मानिसहरु घाइते भएको अन्तर्राष्ट्रिय सञ्चारमाध्यमले जनाएका छन् ।