काठमाडौँ– प्रहरीले बालाजुस्थित औद्यौगिक क्षेत्रमा रहेको सेनिटाइजर कम्पनीमा छापा मारी ठूलो परिमाणमा सेनिटाइजर बरामद गरेको छ ।
अबैध रुपमा सेनिटाइजर बनाइरहेको सूचनाको आधारमा महानगरीय प्रहरी परिसर काठमाडौँको टोलीले छापा मारेर ठूलो परिमाणमा सेनिटाइजर बरामद गरेको हो ।
परिसरका प्रवक्ता एसपी रमेश बस्नेतका अनुसार बिना दर्ता सेनिटाइजर उत्पादन गरेको आरोपमा काठमाडौं–१३ स्थित ताहाचल घर भएका राकेश अग्रवाललाई समेत पक्राउ गरिएको छ ।
उत्सब डिटरजेन्ट एण्ड कस्मेटिक उद्योगको नाममा दर्ता रहेको सो कम्पनीले सेनिटाइजर उत्पादन गर्ने अनुमति नपाएको प्रहरीको प्रारम्भिक अनुसन्धानबाट खुलेको छ ।
प्रतिक्रिया