काठमाडौँ– लायन्स क्लब अफ काठमाडौँ समर्पणको सहयोगमा चावहिल, मित्रपार्कस्थित नेपाल-भारत मैत्री अस्पतालमा आजदेखि १५ शय्याको कोभिड एचडीयू वार्ड सञ्चालनमा आएको छ ।

लायन्स क्लब अफ काठमाडौँ समर्पणले दुईवटा हाईफ्लो मेशिन र छ वटा बाईप्याप मेसिन कोभिड बिरामीहरुका लागि नि:शुल्क रुपमा सेवा दिन अस्पताललाई प्रदान गरेको लायन्स समर्पणका अध्यक्ष श्री दीपक बंसलले जानकारी दिए ।

कोभिड १९ को दोस्रो लहरले नेपालमा पनि निकै कठिन अवस्था सिर्जना गरेको अहिलेको अवस्थामा अझै आवश्यकता अनुसार जीवन रक्षक उपकरणहरु [Life Saving Equipment’s] HDU वार्डमा उपलब्ध गराउने लायन्स समर्पणका उपाध्यक्ष लभेन्द्र सिंह मल्ल र सचिव अखिल अग्रवालले जानकारी दिएका छन् ।

लायन्स क्लब समर्पणसँग सहकार्य गरेर अझै नयाँ कोभिड वार्ड खोल्ने कार्यसमेत भईरहेको अस्पतालका प्रबन्ध निर्देशक पवन पाठकले जानकारी दिए ।