झापा– निषेधाज्ञाको समयमा समस्यामा परेका तथा अलपत्र सर्वसाधारणलाई झापाको दमकमा निशुल्क खाना खुवाउन थालिएको छ ।

कुनै आम्दानी तथा रोजगारी नभएका र सडकमै जीवन बिताउँदै आएकाहरुलाई लक्षित गरी खाना खुवाउन थालिएको हो ।

गएको जेष्ठ ३१ गतेदेखि पूर्व बस स्टेण्ड आसपासमा उनीहरुलाई खाना खुवाउने गरिएको अभियानलाई संयोजन गर्दै आएका पण्डित कुवेर सुवेदीले जानकारी दिए । यसरी दैनिक खाना खानेको संख्या ५० भन्दा बढि रहेको जनाइएको छ ।

निुशल्क खाना खान आउने मध्ये धेरैजसो सवारी साधन चल्दा मागेर जीवन चलाउनेहरु रहने गरेका छन् । यो अभियानलाई युवाहरुको सिटी बक्स नामको समूहले सहयोग गर्दै आएको छ ।

बुधबार खाना वितरण गर्ने अभियानमा पुगेका नगरप्रमुख रोमनाथ ओलीले संकटका बेला समस्यामा परेका सबैलाई सहयोग गर्नु मानवीय जिम्मेवारी रहेको पनि बताए ।