काठमाडौं– अभिनेता तथा हास्य कलाकार केदार घिमिरे ‘माग्ने बुढा’ चिनाइरहनुपर्ने नाम होइन् । टेलिफिल्म ‘मेरी बास्सै’बाट ‘माग्ने बुढा’का रुपमा उदाएका केदार पछिल्लो समयमा सफल अभिनेतामा गनिन्छन् ।

उनी निर्माता पनि हुन् । सामाजिक सञ्जालमा उनको सक्रियता राम्रै छ । कहिले भिडियो राखेर त कहिले सामाजिक सन्देशमूलक स्टाटस पोस्ट गरेर उनी आफ्नो सक्रियता बढाइरहेका छन् ।

देश कोभिडको महामारीमा रुमलिएको छ । दैनिक रुपमा संक्रमित बढिरहेका छन् । मृतकको संख्या उस्तै छ । डिस्चार्ज हुने रफ्तार पनि बढ्दो छ ।

यही परिप्रेक्ष्यमा मंगलबार साँझको समयमा उनले एक तस्वीर फेसबुकमा पोस्ट गरेका छन् । सहरको पृष्ठभूमिमा अस्ताउदै गरेको सूर्यको तस्वीर उनले खिचेर फेसबुकमा राखेका छन् ।

‘अवसरको सहर । स्वार्थी सहर । अवसरवादीको सहर । सपनाको सहर । आ–आफ्नै दृष्टिकोण तर अहिले रोगको भण्डार सहर । स्टे सेफ’ उनले लेखेका छन् । उनले ‘फोटो–नव–फोटोग्राफर केदारप्रसाद घिमिरे’ लेखेका छन् ।