एजेन्सी – मोरक्को ओपन महिला टेनिस प्रतियोगिताको उपाधि मारिया सक्कारीले उचालेकि छन् । ग्रिक नागरीक सक्कारीले फाइनलमा बेलायतकी एक नम्बर वरियताकी जोहान कोन्टालाई पराजित गर्दै उपाधि हात पारेकि हुन् ।
उनले कोन्टालाई २–१ को सेटमा पराजित गरेकी हुन् । जसमा कोन्टाले पहिलो सेट ६–२ ले जितेकी थिइन् भने दोस्रो र तेस्रो सेट सक्करीले ६–४ र ६–१ ले जितीन् ।
सक्कारीले पहिलो डब्लुटीए उपाधि हात पार्दा ग्रान्डस्लाम उपविजेता कोन्टालाई हराएकी हुन् । २३ वर्षे उनले उपाधि जीतिसकेपछि सेलिब्रेसन गर्ने क्रममा कोन्टालाई चुम्बन गर्नु अघि माटोमा घुडा टेकेकि थिइन् ।
प्रतिक्रिया