मुम्बई–कोरोना महामारी सुरु भएपछि विश्वभर मास्कको प्रयोग अनिवार्य गरिएको छ । अझ सार्वजनिक कार्यक्रम तथा भेलामा मास्कको महत्व बढ्दो छ ।

कलाकारहरुले पनि सामाजिक सञ्जालमार्फत मास्कको प्रयोग गर्न र भौतिक दुरी कायम गर्न आव्हान गरिरहेका छन् ।

तर बलिउड अभिनेत्री रवीना टण्डन यो मामलामा अलिक फरक निस्किइन् । दैनिक जागरणका अनुसार उनले इन्स्टाग्राममा रातो लिपिस्टिकवाला एक तस्वीर शेयर गरेकी छन् । इन्स्टाग्राम प्रयोगकर्ताको ध्यान रवीनाको तस्वीर भन्दा पनि त्यसमा लेखिएको क्याप्सनले तानेको छ ।

‘गत वर्षदेखि मास्क लगाएका कारण आफ्नो मनपर्ने रातो लिपिस्टिकलाई निकै मिस गरिरहेकी छु’, उनले लेखेकी छन् । उनको यो तस्वीरलाई प्रयोगकर्ताले निकै मनपराएका छन् ।

उनको तस्बिरमा हजारौं लाइक आएका छन् भने कैयौं बलिउड अभिनेत्रीले प्रतिक्रिया दिएका छन् ।