काठमाडौँ- कोभिड–१९ संक्रमणमुक्त भएका पूर्व राजा ज्ञानेन्द्र शाह र पूर्व रानी कोमल शाहले उपचारमा संलग्न अस्पताल र शुभेच्छा प्रकट गर्ने सबैलाई धन्यवाद र आभार प्रकट गरेका छन् ।

भारतको हरिद्वारमा आयोजित कुम्भमेलामा सहभागी भएर फर्किएपछि कोभिड संक्रमण भएका पूर्व राजा रानी राजधानीस्थित नर्भिक अस्पतालमा उपचारका लागि वैशाख ११ गते भर्ना भएका थिए ।

शनिबार एक विज्ञप्ति जारी गर्दै पूर्वराजा र पूर्वरानीले अस्पताल, सरोकारवाला सबै र स्वास्थ्यलाभको कामना गर्ने सबैलाई धन्यवाद प्रकट गरेका हुन् ।

वैशाख ११ गते नर्भिक अस्पतालमा उपचारका लागि भर्ना भएका पूर्वराजा केही दिनअघि डिस्चार्ज भएका थिए । पूर्वरानी कोमल र छोरी प्रेरणा शुक्रबार अस्पतालबाट डिस्चार्ज भएका हुन् ।