काठमाडौँ– कोरोना महामारीका कारण देशभरका अस्पतालहरुमा रगतको अभाव भइरहेको बेलामा ‘आकस्मिक रक्तदान’ गरिने भएको छ ।
लायन्स क्लब अफ काठमाडौँ सोसियल फ्रेन्ड्सको संयोजकत्वमा अटो नेपाल र सहयोगी महिला जागरण मञ्चको पहलमा आउँदो जेठ १ गतेदेखि आकस्मिक रक्तदान कार्यक्रम हुन लागेको हो । रक्तदान कार्यक्रम रातोपुलस्थित नेसनल बाथरोग सेन्टरमा हुनेछ ।
सोसियल फ्रेन्ड्सका अध्यक्ष भूषणकुमार श्रेष्ठले नेपाल रेडक्रस सोसाइटीले गर्भवती महिला र अपरेसन हुनैपर्ने बिरामीको अपरेसन हुन नसकेको र रगत अभाव भएको बताएपछि रक्तदान कार्यक्रम गर्न लागिएको बताए ।
अध्यक्ष श्रेष्ठका अनुसार दुई/दुई हप्तामा लायन्सले रगत संकलन गरेर रेडक्रसलाई बुझाउनेछ ।
प्रतिक्रिया