काठमाडौं– दक्षिण अफ्रिकाका तीव्र गतिका बलर कागिसो राबडाले इन्डियन प्रिमियर लिग (आईपीएल)का बाँकी खेल नखेल्ने भएका छन् । शुक्रबार स्वेदेश फर्किएपछि उनले आईपीएलका बाँकी खेल गुमाउने भएका हुन् ।

आईपीएलमा सर्वाधिक विकेट लिएका राबडाले  १२ खेलबाट २५ विकेट लिएका छन् । गएको बुधबार सम्पन्न चेन्नई सुपर किङ्ससँगको खेलमा ढाडको समस्याका कारण उनलाई दिल्ली क्यापिटल्सले आराम दिएको थियो ।

दिल्लीलाई प्लेअफसम्म पुर्‍याउन महत्वपूर्ण भूमिका खेलेका रबाडाको ढाडमा समस्या देखिएपछि स्वदेश फर्किएका हुन् । मे ३० देखि शुरुहुन लागेको विश्वकप क्रिकेटमा अफ्रिकाको टिममा रहेका छन् । विश्वकप नजिकिँदै गर्दा इन्जुरी देखिएपछि उनी स्वदेश फर्किएका हुन् ।

उनी नखेल्ने भएपछि अब उनको स्थानमा दिल्लीका लागि भने दबाब शृजना भएको छ । यो सिजनमा उनले दिल्लीलाई कोलकाताविरुद्धको खेल सुपर ओभरमा जीताएको खेल निकै चर्चामा रह्यो ।

• सन्दीपका मेट रबाडाको ढाडमा समस्या हुँदा दक्षिण अफ्रिकालाई चिन्ता