काठमाडौँ– नेपाल शिक्षक महासंघले शिक्षा, विज्ञान तथा प्रविधि मन्त्री कृष्णगोल श्रेष्ठलाई ३४ बुँदे विरोधपत्र बुझाएको छ ।

महासंघले विगतका दिनमा शिक्षा मन्त्रालय र आफूहरुबीच भएका ३० बुँदे सम्झौता कार्यान्वयनको अभावमा अलपत्र परेको समेत ध्यानाकर्षण गराएको छ ।

सधैँ ठूलो संख्यामा बस्नुपर्ने शिक्षक, कर्मचारी र विद्यार्थीका लागि कोभिड विरुद्धको खोपका विषयलाई प्राथमिकतामा नराखेको पनि महासंघले गुनासो गरेको छ ।

ठूलो संख्यामा शिक्षक, कर्मचारी र विद्यार्थी संक्रमित हुँदासमेत सरकारले प्राथमिकतामा नराखेको, ज्यान गुमाएका शिक्षकका लागि सहयोग र क्षतिपूर्तिको कुनै व्यवस्था नभएको जारी विज्ञप्तिमा उल्लेख गरिएको छ ।

लामो समयदेखि न्यून तलबमा काम गरिरहेका विद्यालय कर्मचारी र बालकक्षाका शिक्षकको तलब अझै वृद्दि नभएको जनाउँदै महासंघले पूर्वाग्रही र अव्यवाहारिक दरबन्दी मिलानले देशभरका शिक्षकहरू पिडित भएको महासंघले दाबी गरेको छ ।

संवैधानिक राष्ट्रिय शिक्षा आयोगका व्यवस्था, संवैधानिक शिक्षा सेवा आयोगको स्थापना, विद्यालय तहको शिक्षालाई संघ, प्रदेश र स्थानीय तहको साझा अधिकारलगायत विभिन्न माग राख्दै महासंघले ३४ बुँदे विरोध पत्र बुझाएको हो ।

यस्तो छ सरकारलाई महासंघले बुझाएको पत्र