काठमाडौँ– नेपालका लगभग सबै अस्पतालहरुमा आइसीयू, भेन्टीलेटर र शय्याहरुको कमी भइसकेको अवस्था छ । भारतको अवस्था अत्यन्त नाजुक भइसकेको छ भने छिमेकी देश नेपालको अवस्था पनि त्यसबाट अछुतो रहने कुरा नै भएन ।

जन हप्किन्स विश्वविद्यालयको डाटा अनुसार अप्रिलको मध्यतिर दैनिक संक्रमण दर ५० भन्दा कम रहेपनि अहिले त्यो ग्राफ सिधा उकालो लागेको छ । अप्रिलको मध्य ताका नेपालको संक्रमण दर ५० भन्दा कम देखिन्छ । केही हप्ताअघि भारतको संक्रमण दर पनि त्यसै विन्दुबाट गुज्रेको देखिन्छ । तर अप्रिलको अन्त हुन लाग्दा नेपालको संक्रमणदर सोझो रुपमा माथि चढेको स्पष्ट देखिन्छ ।

नेपालको संक्रमणको रेखा अब सोझै माथि चढेको स्पष्ट छ । यसको अर्थ हो बढ्दो संक्रमण दर । भारत अहिले २५० भन्दा माथिको विन्दुमा पुग्दा नेपालको संक्रमण दर भनें ११ देखि १५० को बीचतिर देखिन्छ ।

यस तथ्याकंले स्पष्ट देखाँउछ, नेपालको संक्रमण दर जोखिममा छ । अर्कोतर्फ सरकारी र निजी स्वास्थ संयन्त्रहरूले कोभिड उपचारका लागि प्रभावकारी कदम चाल्न नसक्दा नेपालको पनि स्वास्थ सेवा धराशायी हुने स्पष्ट छ ।