काठमाडौँ– काठमाडौं उपत्यकमा पछिल्लो २४ घण्टामा थप २४ सय बढीमा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २ हजार ४ सय ९५ जनामा कोरोना संक्रमण पुष्टि भएको छ ।

जसमध्ये काठमाडौँमा १ हजार ९ सय ३२, भक्तपुरमा २ सय ८ र ललितपुरमा ३ सय ५५ जनामा कोरोना पुष्टि भएको हो ।

काठमाडौँमा हिजो भन्दा आज संक्रमितको संख्या केही घटेको छ ।

शुक्रबार झण्डै तीन हजार संक्रमित भेटिएको उपत्यकामा आज २ हजार ४ सय ९५ मात्र संक्रमण देखिएको हो ।

आजै देशभर १४ हजार ९ सय ६९ जनाको परीक्षण गर्दा ५ हजार ७ सय ६३ जनामा संक्रमण पुष्टि भएको छ ।

पछिल्लो तथ्याङ्कसँगै नेपालमा कोरोना संक्रमितको कूल संख्या ३ लाख २८ हजार ८ सय ९३ पुगेको छ । सक्रिय संक्रमितको संख्या ४३ हजार २ सय १३ पुगेको मन्त्रालयले जनाएको छ । कूल मृतकको संख्या ३ हजार २ सय ९८ पुगेको छ । मन्त्रालयका अनुसार आज ६७ जना क्वारेन्टाइनमा छन् ।

हालसम्म २४ लाख ८८ हजार ३ सय ५९ जनाको पीसीआर परीक्षण गरेको मन्त्रालयले जनाएको छ ।